شعر: “طعنة في الصّميم”

مِن جَبل غَطّى الثّلج تلّاتو شامِخ وبيحكي الغيم حكاياتو
فيّو رجالو عاليه الهمّات نيّاتهم أبيض من الثّلج ذاتو
فيّو أجاويد وكثار قامات سرارهم مكتوبة بطيّاتو
بلون البها شو ناصعة اللّفّات وكثار مرحومين في الدّني ما ماتوا
تلال تشهد في عهدها ما فات أيادي بَنَت وعلى الصّخر بدايّاتو
يا ما سمعنا عنهم حكايات صانوا الجبل من كلّ جهاتو
الأرض والعرض غاية الغايات والدّين شعلة نار كراماتو
سُترة الحال وصافيين النّيّات ورزق الجلال بعرقهم اقتاتوا
ظلّ الغدر مقصود من ورا التّلال وصاب الجرح من القلب فلذاتو
قطف بقساوة زهور مع وردات وصاح الجبل من الأسى صيحاتو
صوت الألم والبكي وآهات بتلسع وبتحرق حجر كيّاتو
مصيبة كبيرة من أعظم الويلات إلّي نابو الجبل عَ مدى حياتو
عمّ الحزن والضغن كلّ العائلات وكلّ القضا شارك بلهفاتو
تنعشر تابوت من أفظع الجنازات نقماتك يا ربّ عّ الجاني ورفقاتو
بجاه الأنبيا إّلي إلهم مقامات كلّ نعش غطّى الثرى ترحم تراباتو
يا شيخ الجبل برّد الحرسات صبّر أهاليهم بالرّضى وعلاماتو
بجاه اليعفوري والحزّوري وطُهر السنديانات والطّاهرة سارة ويهودا ونقماتو
بعد مدّة زمن وبالإيمان إثبات بترجع الأرواح وبيعيدوا الحساب
والجــــــــــــــانــــــــــي حتمًــــــــــــــا بيــــــــــــــلاقــــــــــــــي مــــــــــــــجــــــــــــــازاتــــــــــــــو