دخلك يا سيدي شعيب تحمينا
وتحمي اهلنا بقمة الريان
دمعة اهلنا بحق تكوينا
وفينا بتشعل بالقلب نيران
******
لحطين عامقام النبي جينا
نقبل ضريح الطهر وبايمان
تا الصعب يرحل اهالينا
الخلقوا كرام وللصبر عنوان
******
ويا معتدي في سيد راعينا
ومن فوقنا يرفوا الخمس ألوان
نحنا بدرب سلطانا مشينا
فينا الشجاعة وعز بالوقفات
شبعنا كرامة والردي جوعان.
******
نحنا بني معروف النا وجودنا
ووجودنا منفرض بعزم زنودنا
نصون الارض والعرض طهر بنودنا
ومنصون دين الخمس نوفي عهودنا
احرار نحنا ما حملنا قيودنا
دار الكرامه عامره بصمودنا
منبقى اهل يا اهلنا في جودنا
بغيره وحمية مثبتين عقودنا
لاخوانا نحفظ بصدق وعودنا
نصون الأمانه الخالده من جدودنا
ومهما على هالأرض تفصلنا حدود
بيقربونا بالحقيقة حدودنا
******
سويدا اصبري علي جرالك
الك في رجال بيشيلو بحمالك
عم الحزن بظروف الدقيقه
وفينا غصة الكلمه قبالك
******
سويدا يا ارض حره عريقه
غرور الغاصب تحطِم تلالك
الاصيله عالمدى حره وطليقه
قبلتي العز ما قبلتي غلالك
******
الصبر فيكي بالحجار العتيقه
التاريخ بيشهد لقوة قتالك
يا حره مؤمنه بحكمة عميقه
الإيمان الراسخ صمودك هدالك
******
مهد سلطانا لخط الوثيقة
بوصية حر للغاصب محالك
سويدا العز رح بحكي الحقيقه
وغير الحق ما بيحكي ضميري
إلنا الفخر في وقفة رجالك
******
يابو حسن يا شيخنا الإسمك لمع
بمواقفك في حكمة العقل الرزين
يا شيخنا بتأيد كل المجتمع
مأيد بعطف وجاه رب العالمين
دنيا ودين الحق والعلم اجتمع
ياكبيرنا القدوة وسند الموحدين
بقلبك الخمس حدود والجفن الدمع
عند الشدايد وقفتك بي الأمين
هالطايفه بمحبتك قلبك جمع
روح العطا من السيد بو يوسف امين
وهيي كلمتك عالمدى الي بتنسمع انشالله تضلك دوم مرفوع الجبين v
